Coastal Union yajiimarisha ndani na nje ya uwanja

Hassan Hashim Tanga

Aliyewahi kuwa Mwenyekiti wa Timu ya African Sports  wana kimanumanu Hassan  Kessy na baadae kujiuzulu wadhifa huo,  ametangaza rasmi kuachana na timu hiyo yenye maskani yake barabara ya 12  na kuunga mkono Mahasimu  wao Jadi timu ya Coastal Union  katika jitihada za kunusuru timu hiyo kubaki katika ligi daraja la kwanza.

Akitangaza uamuzi wa kujiondoa African sports  Kessy amesema amefikia hatua hiyo kwa hiari yake mwenyewe na kwamba atashirikiana na uongozi wa Coastal union ili kuhakiksha  timu hiyo inarudi kucheza ligi kuu.

"Nimejiunga na Coastal kwa mapenzi yangu kama nilivyoitwa hapo awali na African Sports na kuisadia hadi kupanda hadi ligi kuu lakini baada ya kuchaguliwa  kuwa mwenyekiti ilitokea kutoelewana na baadhi ya wenzngu  nikaamua kujiuzulu lakini leo hii nimeamua kutangaza kuungana na viongozi Coastal union ili kuisadia timu hiyo"

Kwa upande wake mwenyekiti mstaafu wa Coastal Union Ahmed Aurora amesema wameupokea kwa mikono miwili ujio wa Kessy na kuahidi kushirikiana  naye katika harakati za kuleta ushindi katika klabu hiyo iliyoshuka daraja msimu uliopita.

Kessy atakumbukwa na wapenzi na wanachama wa African Sports kwa jitihada zake za kuipandisha timu ya timu hiyo hadi ligi kuu baada yakushindwa kufanya hivyo kwa kipindi cha miaka 25.

 Mwisho