Mwakyembe awataka wananchi kutimiza wajibu wao

Hassan Hashim Lushoto.

Waziri wa sheria na mambo ya Katiba Dk Harrison Mwakyembe ameitaka jamii kutimiza wajibu wao kwa kutoa taarifa katika ngazi husika ili waweze kupata haki yao badala ya kulalamika kutotendewa haki na vyombo vya sheria.

Kauli hiyo ameitoa katika hafla ya kutunuku Astashahada na stashahada kwa wahitimu 343 katika mahafali ya 16 ya chuo cha Mahakam wilayani Lushoto.

Amesema Serikali imeweka utaratibu  mzuri kwa kuunda  kamati  za maadili katika ngazi mbalimbali ambazo zinauwezo wa kupokea na kushuhulikia malalamiko kuanzia mahakama za mwanzo wilaya hadi mahakama kuu.

Aidha waziri Mwakyembe amesema serikali imeshapeleka bungeni mswaada wa msaada wa kisheria ambao utawezesha wananchi wasiokua na uwezo kupata huduma hiyo bila malipo.

Naye Mkuu wa chuo hicho Dkt Paul Kihwelo amesema katika kukabiliana na changamoto ya  udahili wamebuni mifumo mbalimbali ya kidigital ili kuvutia  wanafunzi wengi kujiunga na chuo hicho.

Kwa upande wao baadhi ya wahitimu wamesema elimu waliyoipata wataitumia  kwenda kukabiliana na changamoto iliyopo katika jamii husasan akina mama wanaokosa haki zao  na watoto wanaoathiriwa na vitendo vya unyanyasaji na ubakaji.

Mwisho