Hili ni eneo la kuingiza Magari

Hassan Hashim Tanga.

Kero ya usafiri yapatiwa ufumbuzi .

Kero ya usafiri kati ya Tanga na visiwa vya Pemba na unguja inaelekea kupatiwa ufumbuzi wa kudumu baada ya meli kubwa ya kampuni ya Azam marine kuwasili katika bandari ya Tanga.

Kuwasili  kwa meli hiyo kubwa ambayo ina uwezo wa kubeba abiria 1600 pamoja na magari 50 huenda ikawa ukombozi kwa wananchi wa  maeneo hayo ambao kwa muda mrefu wamekuwa wakitumia usafiri wa majahazi .

Baadhi ya abiria waliopata fursa ya kuzungumza na channel ten wameeleza hisia zao kuhusu adha waliyokuwa wakipata ikiwa ni pamoja na kupoteza ndugu zao kutokana na ajali za majahazi.

Kwa upande wake mkurugenzi wa ulinzi na usalama ambaye pia ni msajili wa meli  kapten Mussa Mandia ametoa wito kwa wamiliki wa majahazi kuacha kubeba abiria na kuhatarisha maisha ya wananchi .

Akizungumzia ujio wa meli hiyo katika bandari ya tanga meneja mkuu wa Azam Marine Husein Mohamed Said amesema wameanza kutoahuduma hiyo baada ya kupokea maombi mbalimbali kutoka kwa wananchi na serikali.

Januari 10 mwaka huu jahazi liliokua na shehena ya mizigo na abiria lilizama baada ya kupigwa na tufani ambapo watu 12 walifariki na wengine 27 kujeruhiwa

…………….