Kaimu Afisa Forodha kituo cha Horohoro Abraham Maleko (Kushoto) akimweleza Naibu waziri kuhusu tatizo la maji katika kituo hicho

Hassan Hashim Horohoro.

Naibu waziri wa Mambo ya nje na ushirikiano wa Afrika Mashariki Dkt Suzan Kolimba amesema suala la wakazi wa Mkinga wenye asili ya Kenya ambao  wanaoishi nchini kwa muda mrefu linashughilikwa na wizara ya mambo ya ndani ambayo ndiyo yenye mamlaka ya kusajili wageni.

 Kauli hiyo ameitoa katika mkutano wa hadhara baada ya kupokea malalamiko kutoka kwa wananchi hao wakati wa ziara yake mkoani hapa.

Amesema Serikali hadi sasa imetambua raia 9083 wenye asili ya makabila ya wakamba waduruma na Wataita wanaoishi katika wilaya ya Mkinga na kwamba uchunguzi zaidi unaendelea kufanyika kabla ya kutolewa uamuzi.

Akitoa  taarifa kwa naibu waziri Mkuu wa wilaya ya Mkinga Yona Maki amesema halmashauri imepima viwanja 1000 vya biashara na makazi ili kuongeza chachu ya maendeleo katika eneo la Horohoro  lakini uwepo wa wahamiaji hao wa muda mrefu ni chagamoto inayo hitaji ufumbuzi.

Katika ziara hiyo Naibu Waziri ametembela na kuzungumza na watumishi wa mpaka wa Hororo nchini Tanzania  na Lunga lunga nchini Kenya.

……………………………………