Kaimu mkurugenzi wa Nimr Dkt William Kisinza (kushoto) mwenye suti akitoa maelezo kwa Waziri wa Afya kuhusu eneo kitakapojengwa chuo kikuu cha utafiti wa magonjwa ya binaadam huko Amani wilayani Muheza mkoani Tanga

Hassan Hashim Muheza

NIMR Amani kujengwa chuo kikuu cha utafiti

Waziri wa Afya Ustawi wa jamii Jinsia Wazee na watoto Ummy Mwalimu  ameitaka taasisi ya utafiti wa magonjwa ya binadamu (NIMR) kuharakisha uanzishaji wa chuo cha utafiti wa magonjwa ya binadamu  ili kuongeza wataalamu katika sekta hiyo.

Akizungumza wakati alipotembelea eneo hilo lenye ukubwa wa hekari 200 ambalo inakusudiwa kujengwa chuo kikuu cha afya na utafiti wa magonjwa ya binadamu Waziri Ummy amesema mpango huo utasaidia kupunguza uhaba wa wataalmu mbalimbali wanaohitajika  katika sekta hiyo.

  

Aidha waziri ummy amewataka wataalamu wanaofanya utafiti katika taasisi mbalimbali nchini kufuata  utaratibu uliowekwa kutangaza matokeo yas tafiti zao na kusisitiza kuwa hadi sasa haijathibitika kuwepo kwa ugonjwa wa ZIKA .

Kwa upande wake Kaimu mkurugezi  Dkt William Kisinza amesema Shirika la afya duniani WHO  limeteua Taasisi ya utafiti wa magonjwa ya binadamu Nimr Amani kuwa kituo cha kufanya tathmini matumizi ya viwatilifu katika bara la Afrika.

Naye mbunge wa jimbo la Muheza Balozi Adadi Rajabu amesema kuanzishwa kwa chuo kikuu cha utafiti katika eneo la amani kutachochea maendeleo  na uchumi katika wilaya ya muheza.

 Mwisho 

………………………………..