Mkuu wa wilaya ya Tanga Thobias Mwilapwa akisistiaz jambo

Hassan Hashim Tanga.

Bomba la mafuta

Naibu waziri wa mambo ya nje na ushirikiano wa Afrika mashariki Dkt Suzan Kolimba ameitaka halmashauri ya jiji la Tanga kuwaelimisha wananchi ili waweke mipango itayowasaidia kunufaika na fursa ya mradi wa bomba la mafuta.

Rai hiyo ameitoa wakati  akizungumza na viongozi wa wilaya na halmashauri alipotembelea eneo linalotarajiwa kujengwa bandari ya kupokelea mafuta kutoka nchini Uganda katika kijiji cha chongoleani jijni hapa.

 

Amesema ni muhimu kwa halmashauri kuweka kipaumbele kwa  kufikiria namna kuwanufaisha na mradi  wananchi ambao mashamba yao yatachukuliwa katika utekelezaji wa mradi  ili wapate shughuli mbadala za kuwaingizia kipato.

Awali akitoa taarifa kwa Naibu waziri Kaimu mkuu wa idara ya mipango miji ardhi na makazi jiji la Tanga Shabani Mruma amesema Halmashauri imeanza mchakato wa kukusanya taarifa za utafiti katika maeneo yatakayoathiriwa na mradi wa ujenzi wa Bomba la mafuta kutoka Uganda ili kurahisisha gharama za fidia wakati wa utekelezaji wa mradi huo.

Baadhi ya makampuni yameanza kufanya utafi ili kubaini uwezo wa miamba katika maeneo itakapojengwa bandari hiyo .

Mwisho.