MKUU WA MKOA WA MANYARA JOEL BENDERA (KUSHOTO) NA KATIBU TAWALA WA MKOA HUO ELIAKIM MASWI WAKIFUATILIA KWA MAKINI KIKAO CHA KUJADILI MGOGORO WA MPAKA KATI YA WILAYA ZA KILINDI NA KITETO

Hassan Hashim Tanga

Waziri wa Ardhi nyumba na maendeleo ya makazi  Wiliam Lukuvi amewaagiza  wakuu wa mikoa  ya Tanga na Manyara kutoa elimu ya kutosha kwa wananchi ili kurahisisha zoezi la kuhakiki mpaka kati ya wilaya ya Kiteto na Kilindi.

Agizo hilo amelitoa katika mkutano wa Kutafuta suluhu ya mgogoro wa mpaka  kati ya mikoa ya Tanga na manyara ambao umeshirikisha wakuu wa mikoa hiyo, makatibu tawala, wakuu wa wilaya,  wakurugenzi, wenyeviti wa halmashauri  pamoja na maafisa ardhi.

Amesema serikali imedhamiria kumaliza kabisa mgogoro wa mpaka kati ya wilaya ya Kiteto na Kilindi na kwamba utoaji elimu utasaidia wananchi kupata uelewa na kutoa ushirikiano kwa maafisa watakaohusika na zoezi hilo.

Kwa  upande wao wakuu wa mikoa ya Tanga na Manyara wamesema baada ya mkutano huo kitakachofuata ni kufanya uhamasishaji ili kutekeleza maazimio yaliyokubaliwa.   

Mgogoro wa mpaka kati ya kiteto na kilindi umedumu kwa muda mrefu na kusababisha uvunjifu wa amani uhasama baina ya wananchi  maeneo hayo .

…………