Mkuu wa mkoa wa Tanga Martin shigela akihutubia wananchi katika hafla ya uzinduzi wa kuhakiki wahamiaji walowezi

Na, Hassan Hashim, Mkinga.

Serikali yazindua Usajili wa wahamiaji walowezi.

Serikali imewaonya wahamiaji wasiokua na sifa kutojipenyeza katika zoezi la kuhakiki wahamiaji walowezi na kwamba watakaobainika kuvuruga zoezi hilo watashughulikiwa kwa mujibu wa sheria za nchi.

Rai hiyo imetolewa na mkuu wa mkoa wa Tanga Martin Shigella katika hafla ya  Kitaifa ya uzinduzi wa zoezi la kuandikisha wahamiaji walowezi  walioishi nchini kwa muda mrefu iliyofanyika katika kijiji cha Moa mkoani hapa.

Amesema serikali inaendesha zoezi hilo kwa uwazi na umakini mkubwa na kwamba watakao timiza vigezo watapatiwa haki bila upendeleo na kupata fursa ya kushiriki katika shughuli za uzalishaji mali na kuinua uchumi wa taifa

Akizungumza katika uzinduzi huo naibu kamishina uhamiaji anayesimamia udhibiti wa mipaka Wilson Bambaganya amesema zoezi la kutafuta ufumbuzi wa suala  la wahamiaji walowezi linafanyika nchini kote kupitia ufadhili wa shirika la IOM .

            

Kwa upande wao baadhi ya wananchi wamesema zoezi la kuhakiki wahamiaji walowezi litasaidia kudhibiti uhalifu katik maeneo ya mipakani.

Wilaya ya mkinga inakadiriwa kuwa na wakimbizi walowezi 9083

…………………………………………………….