HALMASHAURI MKOANI TANGA ZADAIWA ZAIDI YA BILIONI NNE IKIWA NI MALIMBIKIZO YA MAKATO MBALIMBALI -TALGWU

Hassan Hashim Tanga.

Chama cha wafanyakazi wa serikali za mitaa TALGWU kimeitaka Serikali kuacha ubaguzi katika malipo ya makato ya msingi ya watumishi wa halmashauri ambayo yamesababisha kukosa huduma za muhimu ikiwemo matibabu huku baadhi ya kada zikilipwa kwa utaratibu stahiki.

Kauli hiyo imetolewa na Katibu mkuu wa TALGWU Rashid Mtima wakati akitoa taarifa kwa waandishi wa habari baada ya kutembelea Halmashauri za mkoa wa Tanga na kubaini malimbikizo ya madai ya zaidi ya shilingi bilioni nne.

Amesema utaratibu huo wa kulipa wafanyakazi kupitia vyanzo vya ndani ukiachiwa uendelee utajenga matabaka ya kibaguzi baina ya wafanyakazi na kupunguza tija na ari katika utendaji.

Akizungumzia utaratibu unaotumika kwa mfanyakazi aliyeongeza ujuzi Mtima amesema muundo unaotumika wa kurudishwa chini katika daraja la mshahara ni uonevu kwa sababu mtumishi alishajenga uzoefu katika muda aliofanya kazi kabla ya kuongeza ujuzi.

Amesema chama cha wafanyakazi wa serikali za mitaa kimejipanga kupigania haki za watumishi ili kuongeza ari na kuleta maendeleo ikiwa ni kuunga mkono juhudi za serikali ya awamu ya tano.

………………………………..