MKUU WA WILAYA YA TANGA THOBIAS MWILAPWA AKIZUNGUMZA NA WANANCHI WALIOSHIRIKI MATEMBEZI YA HISANI

Hassan Hashim Tanga.

Mkuu wa wilaya ya Tanga Thobias Mwilapwa ameziagiza kamati za ulinzi za mitaa na kata kuwafichua wanaojihusisha na uuzaji usambaza na utumiaji wa dawa za kulevya ili waweze kuchukuliwa hatua na kukomesha tatizo hilo.

Agizo hilo amelitoa wakati wa matembezi ya hisani ya kuchangia uanzishwaji wa kituo cha kuhudumia waathirika wa dawa za kulevya  (Sober house) kwa wanawake  yaliyoratibiwa na kituo cha Gift of hope cha jijini hapa.

Amesema utumiaji wa dawa za kulevya umeathiri vijana wengi ambao ni nguvu kazi na kwamba juhudi za kupambana na tatizo hilo liwe ni ajenda ya kudumu kuanzia  ngazi za familia na mitaa kwa jamii kutoa ushirikiano ili kubaini wahusika.

Kwa upande wake afisa maendeleo ya jamii jij la Tanga Mwantumu Dossi amesema halmashauri imeweka mkakati wa kutoa elimu kwa vijana ili waweze kutambua madhara ya matumizi ya dawa za kulevya.

 Katika matembezi hayo zaidi ya shilingi milioni nne zimepatikana ikiwa ni fedha taslimu vifaa na ahadi.

……………………………….