MKUU WA WILAYA AKISISTIZA JAMBO WAKATI WA UZINDUZI WA MNADA WA KOROSHO KATIKA KIJIJI CHA KIBAFUTA ZAIDI YA TANI 189 ZILIUZWA KATIKA MNADA HUO

Hassan Hashim Tanga

Mkuu wa Wilaya ya Tanga Thobias Mwilapwa  amewataka wakulima wa korosho mkoani humo  kutokubali kurubuniwa kwa kuuza mazao yao kwa walanguzi na badala yake  kupeleka katika vyama vya ushirika ili waweze kunufaika na jasho lao

Agizo jhilo amelitoa wakati wa mnada wa korosho uliofanyika katika kijiji cha kibafuta mkoani hapa ambapo zaidi ya tani 189 ziliuzwa  kupitia vyama viwili vya ushirika.

Amesema serikali imeanzisha utaratibu huo ili kumnufaisha mkulima na kuepuka walanguzi wanao tumia vipimo ambayo sio shaihi

Akizungumza katika mnada huo mrajisi wa vyama vya ushirika mkoa wa Tanga Jackline Senzige amesema katika kipindi cha wiki mbili Bei ya korosho imepanada kutoka shilingi 2650 kwa kilo hadi shilingi 3500 kwa korosho ya daraja la kwanza

Kwa upande wao baadhi ya wakulima wamesema wameupongeza utaratibu huo na kusema kuwa ndio njia pekee ya kuwakomboa wakulima ambao kwa muda mrefu amekua wakinyonywa na walanguzi

Katika mnada huo kampuni  B thousand ltd  imeshinda tenda ya kununua  korosho ya daraja la kwanza ambapo kampuni Mahenge commodity imeshinda kwa korosho ya  daraja la pili.

……………………..